Мой адказ Паўлу Латушкy
Павел Латушка трошкі перагнуў у сваёй размове ў Еўрарыдые, спрабуючы прывязаць мяне да скандалу з Мельнікавай. І параўнаць мой адыход ад уселякай супрацы з НАУ і Кабінетам як ДАРАДЦЫ, з уцекамі цэлага сьпікера і "банкіра КР ды Кібераў. Маўляў, калі я супрацоўнічаў з НАУ, (дадам, што уваходзіў у групу дарадцаў (нажаль), створанай для Ціханоўскай), а потым сыйшоў, то гэта тое самае, што і сітуацыя з Мельнікавай. Што, калі Латушка не змог прадугледзіць, што я "зьмяню пазіцыю" у тым ліку па санкцыях, то таксама ён не змог прадугледзіць сітуацыю з Мельніквай, якая акумулявала ў сваіх руках (безкантрольна!) немалыя сродкі некалькіх структур і палітычныя функцыі (!) і ўсе гэта ва ўмовах вялізарнага ціску.
Як па мне, то гэта МАНІПУЛЯЦЫЯ.
Перш за ўсе, атрымоўваецца, што ні НАУ, ні Кіберы не маглі паспрабаваць нават пралічыць рызыкі, пагрозы такой сітуацыі (падавалася ж, штотчас інфантылаў сыйшоў) і гэта пасьля 5 год барацьбы, і зусім сьвежай справы з Байполам (пра Гаюн) нават не ўзгадваю.
Па-другое, не разумею, якім чынам прыйшло ў галаву нейкім чынам прывязваць і зраўніваць мяне з Мельніквай. Я нікому не здраджваў, прынцыпы і палітычныя каштоўнасьці не мяняў, грошы не краў.
Па-трэцьце, вельмі легка прадбачыць, што ва ўмовах калі палітычная дзейнасьць пачне пераўтворвацца ў імітацыю, сумленныя і прафесійныя людзі будуць сыходзіць, а на йх мейсца прыдуць аферысты. Чаму так сталася, спадар Павел, што пасьля 5 год барацьбы няма чэргаў са сьпецыялістаў у НАУ, ці Кабінет, ці ў КР, і што вельмі сьпецыфічныя функцыі пачынаюць выконваць "невядома хто".
Падлічыце разам з Ціханоўскай і Вячорка (якіх вы самі крытыкавалі за бяздарнасьць і сабатаж, толькі за вочы), колькі за 5 год вы страцілі людзей сотні, тысячы. Колькі людзей з прычыны элементарнага глупства, ці здрады: Байпол, ЧКБ, Гаюн, трапілі за краты!
І вы зьдіўляецеся, што я сыйшоў, хаця сыйшоў задоўга да ЧКБ ды іншых скандалаў, бо як раз добра прадбачыў, куды ўсе ідзе.
Чацьвертае, што тычыцца маёй супрацы з НАУ, ці спробы супрацы з Офісам, ці Кабінетам, то гэтая супраца не базавалася на асабістай лаяльнасьці да Латушка, ці Ціханоўскай. Я нікому прысягі не складаў і ў вернасьці не кляўся, ні заробкаў , ні іншых бенефітаў не атрымоўваў!
Мая дзейнасьць і супраца з гэтымі структурамі базавалася на жаданьні дапамагчы развіцьцю йх эфектыўнасьці, не дапусьціць да скатваньне ў нішто. Але для рэалізацыі патрэбна воля тых, хто прыняў на сабе функцыі палітычных дзеячоў. А яе, як вы добра ведаеце не было.
У жніўні-верасьні 2020 я пісаў і выступаў пра неабходнасьць стварэньня ўраду, прыняцьця канстытуцыі (вяртаньне да канстытуцыі 1994), стварэньне протапарламенту і нават ЦВК, яшчэ ў 2021 годзе казаў пра выбары ў КР і фарміраваньне альтэрнатывы для так званага ВНС, і шмат, шмат іншых прапановаў (нпр., стварэньне акадэміі кіраваньня). Пазітыўна аднесься да стварэньня НАУ, як асновы ўраду. Але ж вы добра таксама ведаеце, як офіс блакаваў усе намаганьні развіцьця гэтага накірунку, аж да 2022.
Непатрэбныя былі і іншыя ідэі і стратэгіі.
Уся дзейнасьць 2020-2021 зводзілася да нейкіх бясконцых сазвонаў, інтэрв’ю і чаканьня таго, што Лукашэнка вось-вось сыдзе.
Неаднакротна я пісаў і казаў пра тое, што Лукашэнка будзе змагацца да апошняга, што трэба рыхтавацца да шматгадовай барацьбы, што трэба кансалідаваць рэсурсы (людскія і матэрыяльныя), а не гуляць у шапіто. Яшчэ ў траўні 2021, як вы памятаеце, я спрабаваў пераканаць (тады яшчэ нібы спалучаную апазіцыю у фарміраваньні протапарламента, протаурада і протапрэзідэнта (!!!), над гэтым пажартавалі, пасьмяяліся і разышліся.
У 2020 я папярэджваў, што праз год людзі пачнуць сыходзіць, што пачнецца сварка за грошы і доступ да грантаў, што гэта прывядзе да скандалаў і яшчэ большай дэматывацыі.
Таксама папярэджваў адносна правальных ідэй "ультыматуму - 2020" і "галасавалкі" 2021.
